२. भारतमाते म्हान देवते, जागय तुजी सासाय

          २. भारतमाते म्हान देवते

भारतमाते म्हान देवते, जागय तुजी सासाय 
आमका स्वदेशी जाय ।।धृ ०।।
शक मुघलांनी डच आंग्लांनी, लुटली आमची मांय 
तरांतरांनी विद्रूप केली, भांगराभुयचि काय 
परथुन एकदा परमवैभवा, ह्या देशाक तू पाय ।।१।।
गांधी गेनू सुटके झुजारी, खादी चरखो चलय 
विनायका तू लकडी पुलाचेर, कपड्या होळी खेळय 
बाल केशवा मोखून मार गा, व्हिक्टोरियाची मिठाय ।।२।।
भायल्यो वस्तू रंगीत संगीत, आसल्यो जरी सवाय  
सगळे करता दाय जाल्यार रे, आवय कित्याक ती जाय 
भारतीयांच्या चिंतनाक येव दी, देशभक्तीची साय ।।३।।