७. आई तुझ्याचसाठी हे विश्व जिंकू सारे
७. आई तुझ्याचसाठी हे विश्व जिंकू सारे आई तुझ्याचसाठी हे विश्व जिंकू सारे भारुनि आज टाकू नभ चंद्र सूर्य तारे जन्म मज दिला सोसले अमाप त्रास काऊ चिऊ दावुनी भरविला तोंडचा घास भावंडांची काढलेली सहन केली खोडी लोभस बाल्य जीवनाची लावियली तू गोडी अक्षर गिरवुनी घेता तू शिकवलीस भाषा चैतन्यमयी जीवनाची दावियलीस आशा नाविन्याच्या उत्साहाला संयमाची साथ विकसणाऱ्या क्षितिजाचा मी पकडावा हात अनंत आशा काही निराशा असा संसारझुला घसरता तोल सावरणे जीवन साधना मुला वृक्ष हो आधारवड हो नको बनू हस्तक बघायचंय जग तोलणारे शेषनागाचे मस्तक